Qullanıcı içün

Sketch Engine platformasında Qırımtatar tili milliy korpusı (QTMK) ile çalışmağa başlamaq içün bağlantığa basıñız.

QTMK qullanıcısına, korpus metinleriniñ bazasınen çalışmaq ve kerek talillerni elde etmek içün bir çoq alet mevcuttır. Bu bölükte, QTMKnıñ temel funktsiyaları, olar açqan imkânlar ve Sketch Engine platformasındaki çalışma talimatları aqqında malümat tapa bilesiñiz.

analytics

N-gramalar

N-gramalar — bu çoq sözlü ifadelerniñ sıqlıq cedveli ya da leksik taqımlarıdır. Bu funktsiya yardımınen, QTMK metinlerinde bulunğan kolokatsiyalarnı tedqiq etmek mümkün. N-grama cedvelini yapmaq bir-eki saniye tutar. Qoşma filtrlerniñ qullanılması, cedvel yapma ketişatını biraz yavaşlata bile.

Korpus qullanıcısı eki N-grama yapma mahanizmı arasında saylav yapa bile: temel ve keniş.

Temel mehanizm

Tek bir parametrni, yani N-grama uzunlığını — kolokatsiyalardaki sözlerniñ sayısınıñ saylanmasına izin bere. Temel qıdıruv, ayrıca da az sıqlıqlı N-gramalarnı avtomatik olaraq çıqara.

Uzantılğan mehanizm

Daa büyük optsiya taqımını ögünden nazarğa ala. N-grama uzunlığından ğayrı, cedvelniñ generatsiya yapacağı atributnı saylamaq mümkün (söz ve lema).

Netice, Korpus içindeki kolokatsiyalarnıñ minimum ve maksimum qullanuv sıqlığınen sıñırlana bile. N-gramanıñ içinde bir-de-bir yerde rastkelgen işaretlerge (ariflerge) köre filtr etmek içün «ile başlay», «ile bite» ve «içinde bulundura» kibi ilâve kriteriyler de mevcuttır.

reorder

Konkordans

Konkordans qıdıruvnıñ çeşit türlü parametrlerine saip eñ küçlü korpus aletidir. Bu funktsiya sözlerni, ibarelerni, teglerni, vesiqalarnı, metin türlerini ya da Korpus qurulışlarını tapmağa imkân bere ve neticelerni kontekstte konkordans şeklinde aks ete.

Aks etüv rejimleri

KWIC

Merkezde qıdıruv sözü solda ve sağda bir-de-bir kontekst ile konkordasnı çıqara.

Cümle

Qıdırılğan sözni bulundırğan bütün cümlelerni köstere. Uzun cümleler kesilmey, bir qaç satırda kösterile.

Timsal	İsim	Tarif
info	Netice malümatlar	Elde etilgen neticelernen bağlı qoшma malümatlar
filter_alt	Neticelerni filtrelemek	Elde etilgen neticelerniñ filtreleme funktsiyası
settings	Baqıp çıqma parametrni deñiştirmek	Alınğan neticelerniñ aks etilmesini deñiştirme funktsiyası. «Satırlarnı nomeralamaq», «Sayıcını köstermek» ve b.
download	Yüklemek	CSV, XLSX, XML kibi fayllarnı yüklemek içün formatlar uyğun.
shuffle	Tesadufiy örnek almaq	Örnekniñ reprezentativligini saqlap, konkordans satırlarınıñ miqdarını azlaştırmaq içün.
sort_by_alpha	Sınıflaştırma	Elifbe sırasına, KWICge köre ya da kontekstne köre sınflaştıra.
bar_chart	Sıqlıq	Çeşit sözlerniñ, lemalarnıñ ve teglerniñ cedvelini tertip ete.
hub	Kolokatsiyalar	Kolokatsiyalarnıñ tanılması içün statistik hususiyetleriniñ saylavını esaplay.

auto_stories

Yahşı luğat misalleri

format_quote

Yahşı luğat misalleri — sözniñ eñ izalı qullanuv allardan örnekniñ Korpus materiallarına esaslanıp, generatsiya etmege imkân bergen ayrı konkordans aletidir.

Bu funktsiya, añlaşılması qolay ve luğat içün yahşı misaller (Good Dictionary EXamples) ya da ögrenüv içün uyğun olğan cümleler olaraq hızmet etecek qadar olduqça izalı olğan cümlelerni avtomatik olaraq tanıy. GDEX aleti, izalı luğatlarnıñ, dersliklerniñ, başqa oquv materiallarnıñ tertipçileri içün faydalı olacaq.

list_alt

Sözler cedveli

Bu funktsiya sayesinde Korpus qullanıcıları daqqalar içinde söz qullanuv sıqlıqlarınıñ ve başlanğıç şekilleriniñ cedvellerini tertip ete bilecekler. Söz cedveli tokenler (leksemalar) seviyesinde çalışa.

Qullanıcı söz cedveliniñ tertip etilmesi içün eki mehanizm arasında saylav yapa bile: temel, uzantılğann.

vpn_key

Anahtar sözler

Anahtar sözler – fokus korpusında temel korpusından daa sıq rastkelgen ayrı leksemalardır. Funktsiya leksikal unikal hususiyetleriniñ belgilenmesi imkânlarını bere.

Leksemalar Unikallıq Qıyaslav

pie_chart

Metin türleriniñ talili

Bu alet, meta malümatlarnı talil ete ve qullanıcılarğa QTMKnda yer alğan metinlernen bağlı statistikanı bere.

Video derslikler

Aşağıda Sketch Engine platformunda esasiy imkânlarını körseten video materiallar bar.